Արենի համայնքի Արենի բնակավայրի միջնակարգ դպրոցում Մասնակցային բյուջետավորման իրազեկման արշավի շրջանակներում մարտի 19-ին տեղի ունեցավ հերթական հանդիպումը Արենի համայնքի բնակիչների հետ: Հանդիպումը կազմակերպվել էր Արենիի համայնքապետարանի և «Արմավիրի զարգացման կենտրոն» ՀԿ-ի համագործակցությամբ: Հանդիպմանը մասնակցում էին նաև ՀՀ Տարածքային կառավարման և ենթակառուցվածքների նախարարութան ներկայացուցիչ Աշոտ Գիլոյանը, Շվեյցարիայի զարգացման և համագործակցության գործակալության ներկայացուցիչ Համազասպ Դանիելյանը և «Գերմանական միջազգային համագործակցության ընկերության (GIZ)», Հայաստանյան գրասենյակի ներկայացուցիչ Գայանե Նալբանդյանը: Բացման խոսքով հանդես եկավ Արենի համայնքի ղեկավար Հուսիկ Սահակյանը, ով նշեց, որ բնակիչների մասնակցությունը մասնակցային բյուջետավորևման ծրագրին թե՛ հայտ ներկայացնելու և թե՛ քվեարկելու առումով աննախադեպ է և այս պահի դրությամբ Արենի համայնքի քվեարկելու իրավունք ունեցող բնակիչների ավելի քան 30 տոկոսն արդեն մասնակցել է քվեարկությանը և հավելեց, որ սա շատ կարևոր գործիք է բնակիչների կարիքների գնահատման և տեղական ինքնակառավարմանը մասնակցայնության ապահովման առումով:

Ելույթներ ունեցան նաև հրավիրված հյուրերը, ովքեր նույնպես նշեցին Արենի համայնքի բնակիչների ակտիվության մասին:

Ելույթներ ունեցան նաև մասնակցային բյուջետավորման ծրագրի շրջանակներում Արենիի համայնքապետարանին ծրագրային հայտեր ներկայացրած երիտասարդները, ովքեր ներկայացրեցին իրենց ծրագրերը՝ բերելով նաև հիմնավորումներ: