Գործընթացներ

Բոլոր գործընթացները

Հարթակի մասին Առաջարկներ Քարտեզ ՀՏՀ Մուտք Գրանցվել

ՀԱՄԱՅՆՔԻ ՈՒԺԸ

Ես, դու և համայնքապետարանը ստեղծելու ենք մեր երազանքների համայնքը:

ՄԱՍՆԱԿՑԱՅԻՆ ԲՅՈՒՋԵՏԱՎՈՐՈՒՄ - ԲՅՈՒՋԵ 2025

Ես, դու և համայնքապետարանը ստեղծելու ենք մեր երազանքների համայնքը:

ՄԱՍՆԱԿՑԱՅԻՆ ԲՅՈՒՋԵՏԱՎՈՐՄԱՆ ԾՐԱԳԻՐ

Ես, դու և համայնքապետարանը ստեղծելու ենք մեր երազանքների համայնքը:

ՎԻՃԱԿԱԳՐՈւԹՅՈւՆ

ԱՌԱՋԱՐԿՆԵՐ

Ծանոթացեք մեր քաղաքացիների առաջարկներին և ներգրավվեք քննարկումներին, թողեք Ձեր կարծիքը:

Մանկություն առանց հեռախոսի ԱՆՈՒՇԻԿ ԾԱՏՈՒՐՅԱՆ 06 մարտ 2025 Խաղահրապարակները շատ կարևոր են երեխաների զարգացման համար։ Դրանք տրամադրում են ոչ միայն ֆիզիկական ակտիվություն, այլ նաև սոցիալական և համատեղ աշխատանքի հմտություններ։ Դրանք երեխաների կյանքում կարևոր են նրանց ֆիզիկական, սոցիալական հմտությունների, էմոցիոնալ, ստեղծագործական մտածողության զարգացման տեսանկյունից, նաև երեխաներին հանգստանալու և իրենց բացահայտելու հնարավորություն են տալիս: Արենի բնակավայրում, սակայն, այդպիսի խաղահրապարակները շատ քիչ են, իսկ համայնքի այն հատվածը, որտեղ գտնվում է խաղահրապարակը ոչ բոլորին է հասանելի։ Այս վայրում խաղահրապարակի առկայությունը շուրջ 100 ընտանիքի փոքրիկներին կապահովի ժամանցով և օգտակար զբաղմունքով։ Նախագծի արժեքը ըստ նախնական հաշվարկների կարող է կազմել մոտ 4-5 մլն ՀՀ դրամ: Ծրագիրն առավել մանրամասն նկարագրված է կցված հայտում, ինչպես նաև այն առավել հասկանալի լինելու համար կցված են նկարներ և քարտեզ:

1 823

Այլ

Արփի բնակավայրում խաղահրապարակի կառուցաում Նարինե Առաքելյան 05 մարտ 2025 Արփի բնակավայրը, որտեղ ապրում է 1210 բնակիչ, այդ թվում՝ 282 երեխա, չունի ոչ միայն խաղահրապարակ, այլև որևէ մշակույթի տուն կամ ժամանցի այլ վայր, որտեղ երեխաները, երիտասարդներն ու մեծահասակները կարող են հավաքվել ու հետաքրքիր ժամանակ անցկացնել: Այս ծրագրի նպատակն է ստեղծել ժամանակակից խաղահրապարակ, որը կնպաստի համայնքի բոլոր սերունդների ակտիվ ժամանցի կազմակերպմանը: Խաղահրապարակի տարածքում կտեղադրվեն մանկական խաղասարքեր, ատրակցիոններ, զրուցարաններ և նստարաններ, կկառուցվեն ճեմուղիներ, կանաչապատ տարածքներ և խորհրդանշական ցայտաղբյուր, որը կդառնա բնակավայրի այցեքարտը: Այսպիսով, խաղահրապարակը ոչ միայն երեխաների համար կդառնա սիրելի վայր, այլև համայնքի բնակիչների համար կմեկտեղի ժամանցի, շփման և ակտիվ հանգստի հնարավորությունները՝ լրացնելով առկա ազատ ժամանցի վայրերի պակասը: Ծրագրի բյուջեն ըստ նախնական հաշվարկների կարող է կազմել մոտ 17 մլն. ՀՀ դրամ: Ծրագրի վերաբերյալ մյուս բոլոր մանրամասներին ծանոթացեք կցված ֆայլում:

0 1610

Կանաչ համայնք և բարեկարգում

Խաչիկ բնակավայրում ջրամբարի կառուցում ԿԱՐԱՊԵՏ ՍԱՐԳՍՅԱՆ 06 մարտ 2025 Ջրամբարի կառուցման շնորհիվ ձնահալքից և անձրևաջրերից առաջացած ջուրը կարող ենք ծառայեցնել ի շահ Խաչիկի բնակիչների, ապահովելով ոռոգման ջրի մեծ մասը։ Նախատեսվող վայրը գտնվում է գյուղի հյուսիս-արևելյան հատվածում, ինչի արդյունքում ամբարված ջրից կկարողանան օգտվել գյուղի մեծ մասը։ Ձորը գտնվում է աշխարհագրական բարենպաստ դիրքում, որը հնարավորություն է տալիս ջրամբարը կառուցել ձորի մեջ, անհրաժեշտ է միայն կառուցել առաջնային պատվարը։ Ըստ նախնական հաշվարկների նախպաձեռնություն է կարող է արժենալ մոտ 15-17 մլն ՀՀ դրամ: Ծրագիրն առավել մանրամասն նկարագրված է կցված հայտում, ինչպես նաև այն առավել պարզ լինելու համար կցված է քարտեզ:

0 509

Այլ

Գնիշիկ – Մոզրով ավտոճանապարհի բարեկարգում ՄԱՐԻԱՄ ԱՎԵՏԻՍՅԱՆ 05 մարտ 2025 Գնիշիկ – Մոզրով ավտոճանապարհը գտնվում է վատ վիճակում, ինչը հանգեցնում է բնակիչների՝ Մոզրովից դեպի Գնիշիկ, Ագարակաձոր և Եղեգնաձոր տեղաշարժի դժվարացմանը: Լրացուցիչ խնդիրներ է ստեղծում նաև շտապ օգնության ավտոմեքենաների համար կանչերի ժամանակ բնակավայր հասնելուն: Այս ամենը լրացուցիչ խնդիրներ է ստեղծում բնակիչների համար, իսկ երբեմն էլ հանգեցնում է բնակավայրում ապրելուց հրաժարվելուն և արտագաղթին: Հողային գրունտով ավտոճանապարհի ընդհանուր երկարությունը 3 կմ է, որի բարեկարգումը կարժենա մետ 12 մլն ՀՀ դրամ: Ծրագիրն առավել մանրամասն նկարագրված է կցված հայտում, ինչպես նաև այն առավել հասկանալի լինելու համար կցված են նկարներ ու քարտեզ:

0 326

Շինարարություն

Չիվա բնակավայրում հանդամիջյան ճանապարհների բարեկարգում Սոնա Հարությունյան 06 մարտ 2025 Արենի համայնքի Չիվա բնակավայրում ավելի քան 100 հա հողատարածք տանող ճանապահն այժմ գտնում է խարխուլ վիճակում: Տարածքում գերակշռում է կավահողը, այդ իսկ պատճառով տեղումների ամենաչնչին քանակի դեպքում ճանապրհը դառնում է անանցանելի, սա պատճառ է հանդիսանում այն բանի, որ բնակիչների մի մասը չի կարողանում ստացված ողջ բերքը հասցնել բնակավայր: Սա է նաև պատճառը, որ որոշ հողատարածքներ այժմ չեն մշակվում: 5500 մետր երկարությամբ այս ճանապարհի լայնացումը, համահարթեցումը և ջրահեռացումը կլուծի մեքենաների Վարդանես, Ճերմակտեղի, Հեշին, Քարուտ, Ձորատեղ, Կուրաղբյուր հանդամասեր անխոչընդոտ հասանելիությունը: Սա հնարավորություն կտա նաև ավելի հասանելի դարձնել Չիվա բնակավայրում գտնվող պատմամշակութային վայրերը, մասնավորապես Վարդանեսը: Ամենակարևոր խնդիրներից մեկը, որը կլուծվի նաև այս ծրագրի իրականացման շնորհիվ, դեպի Չիվայի ջրամբար բաց և անցանելի ճանապարհն է: Ծրագիրը ըստ նախնական հաշվարկների կարժենա մոտ 10 մլն. ՀՀ դրամ: Ծրագիրն առավել մանրամասն նկարագրված է կցված հայտում, ինչպես նաև այն առավել հասկանալի լինելու համար կցված են նկարներ:

0 542

Շինարարություն

ՏԻՄնիկ-ՏԻԿնիկ 25 մայիս 2022 ՏԻՄնիկ-ՏԻԿնիկ Ծրագրի նախապատրաստական փուլում նկարահանվելու է 3 ֆիլմ ՏԻՄ գործառույթների վերաբերյալ (1 ֆիլմ-Ինչ է ՏԻՄ-ը, 2 Ֆիլմ-Ադմինիստրատիվ ծառայություններից օգտվելու մասին, 3 ֆիլմ-Հանրային Լսումների մասնակցության մասին)։ Ֆիլմի նկարահանմանը կմասնակցեն բնակիչներից, որոնք մասնակցելով ևս կիրազեկվեն և կկրթվեն (Ֆիլմերի երկարությունը մինչև 5 րոպե)։ Ֆիլմի նկարահանումներին զուգահեռ նաև տիկնիկային ներկայացում կբեմադրվի ՏԻՄ-գործառույթների մասին և երբ նախապատրաստական փուլը ավարտվի, կսկսվի 2րդ փուլը։ 2-րդ փուլի ընթացքում՝ Ֆիլմերը և տիկնիկային ներկայացումները կցուցադրվեն բոլոր բնակավայրերում ոչ ֆորմալ վայրերում, որպեսզի բնակիչները ազատ զգան և հետաքրքրությամբ նայեն։ Ցուցադրումների ավարտից հետո ֆիլմերը կտեղադրվեն Համայնքի պաշտոնական կայք էջում, Ֆեյսբուքյան էջում և Յութուբում։ Արդեն 3-րդ և վերջին փուլում ֆիլմի ցուցադրումներին մասնակիցները հնարավորություն կունենան մասնակցել հետաքրքիր արշավների, որի ընթացքում մասնակիցները կփոխանակվեն իրենց գիտելիքներով և կզրուցեն ֆիլմերի մասին։ Արշավների շնորհիվ նաև կճանաչեն Արենի համայնքի գեղատեսիլ վայրերը։ Արշավին նաև կհրավիրեն Ավագանու անդամներին, ովքեր ոչ ֆորմալ պայմաններում կկարողանան զրուցել բնակիչների հետ։ Արենի համայնքի բնակիչները տեղյակ չեն ՏԻՄ գործառույթներից։ Ա) Տարիներ առաջ բնակիչները հետաքրքրված չէին ՏԻՄ գործունեությամբ և քայլեր չէր ձեռնարկվում խնդիրը լուծելու, այսինքն առաջացել է հետաքրքրության պակասից և չիմֆորմացված լինելուց։ Բ) Ներկա իրավիճակում, երիտասարդներից մի քանիսը սկսել են հետաքրքրվել ՏԻՄ գործունեությամբ տարբեր միջոցառումների շնորհիվ։ Հիմնականում հետաքրքրված են Արենի համայնքի ղեկավարին կից կանանց և երիտասարդների խորհրդակցական մարմնի անդամները, բայց մյուսների մոտ իրավիճակը նույնն է։ Ծրագրի նպատակն է՝ Արենի համայնքի բնակիչները իրազեկված լինեն ՏԻՄ գործառույթների մասին։ Ծրագրի խնդիրներն են՝ 1․ Բնակիչները չեն մասնակցում հանրային լսումների։ 2․ Չեն ճանաչում ավագանու անդամներին։ 3․ Այն բնակիչները, ովքեր մասնակցում են, չեն կարողանում իրենց խնդիրը ճիշտ ներկայացնել։ 4․ Տեղեկացված չեն Արենի համայնքի կայքից և դիմում գրելու համար այցելում են համայնքապետարան։ Ծրագրի ընթացքում նախատեսվում են հետևյալ գործողությունները․ Պատկերավոր ձևերով մարդկանց տեղեկացնել ՏԻՄ գործառույթներին։ 1․ Նկարահանել ֆիլմ, որի հիմքում ընկած կլինի ՏԻՄ գործառույթները և դրանից ճիշտ օգտվելը։ 2․ Այդ ֆիլմի դերասանները կլինեն հենց Արենի համայնքի բնակիչները։ 3․ Ֆիլմը կցուցադրվի Արենի համայնքի բոլոր բնակավայրերում։ 4․ Բացի այդ, կբեմադրվի տիկնիկային ներկայացում ՏԻՄ գործառույթների հետ կապված։ 5․ Ներկայացումները կցուցադրվեն Արենի համայնքի բոլոր բնակավայրերում։ Ծրագրի ավարտից հետո ակնկալում ենք,որ Արենի համայնքի բնակիչները կհետաքրքրվեն ՏԻՄ-ով և ՏԻՄ գործառույթներով։ Եվ Արենի համայնքում կբարձրանա իրազեկվածության աստիճանը։ Եվ բնակիչները հեշտությամբ կհասնեն իրենց խնդիրների լուծմանը։

0 6

Այլ

Ռինդ բնակավայրի հանդամիջյան 1700 գծմ ընդհանուր երկարությամբ ճանապարհների բարեկարգում ՀՐԱՅՐ ԳՐԻԳՈՐՅԱՆ 27 փետրվար 2025 Ռինդ գյուղը Արենի համայնքի այն բնակավայրերից է, որտեղ զարգացած է գյուղատնտեսությունը, ինչը հանդիսանում է բնակչության հիմնական զբաղմունքներից մեկը և ապահովում է բնակավայրի տնտեսական ակտիվությունը: Սա է պատճառը որ դեպի բնակավայրի հանդամասեր տանող ճանապարհների բարեկարգումը դրական իմաստով էապես կարող է ազդել բնակավայրի սոցիալ-տնտեսական կյանքի վրա: Այս առումով կարելի է առանձնացնել Ջնդրախաչ կոչվող մատուռի ստորին հատվածից սկսվող 1700 մետր երկարությամբ ճանապարհը՝ ներառյալ դեպի Եղեգնալիճ (300 մետր) և դեպի Կաքավաձոր (700 մետր) տանող ճյուղավորումները: Ըստ նախնական հաշվարկների նախպաձեռնություն է կարող է արժենալ մոտ 20 մլն ՀՀ դրամ: Ծրագիրն առավել մանրամասն նկարագրված է կցված հայտում, ինչպես նաև այն առավել հասկանալի լինելու համար կցված են նկարներ ու քարտեզներ:

1 1632

Այլ

Աղավնաձոր բնակավայրի հանդամիջյան ճանապարհների բարեկարգում և 4-րդ փողոցում հենապատի կառուցում ԱԶԱՏ ՊԵՏՐՈՍՅԱՆ 07 մարտ 2025 Աղավնաձոր բնակավայրը հանդիսանում է ամենաշատ Արենի տեսակի խաղող արտադրող գյուղը Վայոց ձորի մարզում: Իսկ խաղողի այգիների մեծ մասը գտնվում են Աղավնաձորի Տափ (Թափ) հանդամասում: Այստեղ առկա է շուրջ 120 հա հողատարածք, որի ճնշող մեծամասնությունը խաղողի այգի է, սակայն դեպի այգիներ տանող ճանապարհները գտնվում են անմխիթար վիճակում: Նման հանդամիջյան ճանապարհների ընդհանուր երկարությունը կազմում է շուրջ 18 կմ: Մեր գնահատմամբ ծրագրի մոտավոր արժեքը կարող է կազմել մոտ 34 մլն ՀՀ դրամ։ Ծրագիրն առավել մանրամասն նկարագրված է կցված հայտում, ինչպես նաև այն առավել պարզ լինելու համար կցված են նկարներ:

0 655

Այլ

Երիտասարդական կենտրոնի տարածքի բարեկարգում ԱՐԵՎԻԿ ՍԱՀԱԿՅԱՆ 24 օգոստոս 2024 Երիտասարդական կենտրոնը, որը հանդիսանում է գյուղի երիտասարկների և փոքրերի համար հիմնական ժամանցի և ոչ ֆորմալ կրթության ապահովման վայր, ունի ոչ բարեկարգ բակ:Հատկապես անձրևային օրերին կենտրոնի տարածքը գրեթե անանցանելի է, քանի որ ամբողջությամբ հեղեղվում է ջրով: Առաջարկվում է բարեկարգել երիտասարդական կենտրոնի բակը` սալիկապատել տուֆ քարով: Ընդհանուր տարածքը կազմում է 500 քառ. մ, որի համար նախ անհրաժեշտ է հարթեցնել տարածքը. հարթեցման համար կօգտագործվի 3750 տուֆ քար, 25 խոր մ ավազ, 7,5տ ցեմենտ` ընդհանուր 2մլն. դրամ: Երկրորդ քայլը սահմանազատող պատի վերակառուցումն է, որի համար անհրաժեշտ է 25 քառ. մ թափոն քար, 5խոր. մ. աավազ, 2տ. ցեմենտ:Ընդհանուր ծախսը կկազմի 1մլն. 125000 դրամ: Այս ամենից զատ, հավելյալ վճարներ. ավազի տեղափոխման համար, բանվորների վճարման համար անհրաժեշտ գումարը, օգտագործվող տեխնիկայի վարձակալության համար գումար:Ընդհանուր` 2մլն դրամ: Ամբողջ ծրագրի ծախսը կազմում է 5մլն. 125000 ՀՀ դրամ:

0 188

Շինարարություն

Չիվա բնակավայրի ճանապարհների բարեկարգում և մայթազատում Սոնա Հարությունյան 26 օգոստոս 2024 Չիվա բնակավայրի ճանապարհների բարեկարգում և մայթազատում

0 31

Շինարարություն

Ագարակաձոր բնակավայրի ապաստարանի վերանորոգում և կահավորում Նորայր Նավասարդյան 06 մարտ 2025 Ագարակաձոր բնակավայի մշակույթի տան նկուղային հարկն օգտնագործվում է որպես ապաստարան՝ բնակավայրի դպրոցի և մանկապարտեզի համար: Այն կառուցվել է 1976 թվականին (300մ 2 ), սեյսմակայուն է: Ներկայիս աշխարհաքաղաքական իրադրությունը պահանջում է համայնքային պատրաստվածության մակարդակի բարձրացում՝ տարաբնույթ արտակարգ իրավիճակների (բնական աղետներ, ռազմական գործողություններ) դեպքում: Ապաստարանից կարող է օգտվել շուրջ 300 բնակիչ: Տարածքն ունի վերանորոգման կարիք: Ըստ նախնական հաշվարկների նախաձեռնությունը կարժենա մոտ 8-10 մլն ՀՀ դրամ: Ծրագիրն առավել մանրամասն նկարագրված է կցված հայտում, ինչպես նաև այն առավել հասկանալի լինելու համար կցված են նկարներ:

0 874

Այլ

Թվային Էկրան Աղավնաձորի կենտրոնում Ալվինա Ներսիսյան 26 օգոստոս 2024 Ծրագրի նպատակը և նկարագրությունը. Իրազեկվածության պակասը շարունակում է մնալ իրենց համայնքների տեղական ինքնակառավարման գործընթացներում քաղաքացիական ցածր մասնակցության հիմնական պատճառներից մեկը: Գյուղական բնակավայրերում համայնքի վեբկայքը կամ սոցիալական ցանցերը հաճախ անբավարար են դառնում բնակիչներին արդյունավետ տեղեկատվություն տրամադրելու համար: Համայնքում մեր հարցումները ցույց են տվել, որ այս բացը լրացնելու լավագույն միջոցը նորագույն տեխնոլոգիաների օգտագործումն է: Մասնավորապես, թվային էկրանի տեղադրումը բնակավայրի կենտրոնական վայրում կարող է զգալիորեն մեծացնել տեղեկատվության տարածումը և ներգրավվածությունը: Այս մոտեցումը երաշխավորում է, որ բոլոր բնակիչները, անկախ ինտերնետի հասանելիությունից կամ ծանոթությունից, կարող են տեղեկացված մնալ և ավելի ակտիվ մասնակցել տեղական կառավարման գործընթացներին: LED էկրանը արդյունավետ գործիք կծառայի Արենիի համայնքապետարանի գործունեությունը թափանցիկ դարձնելու և քաղաքացիների ներգրավվածությունը մեծացնելու համար։ Այս էկրանը կօգտագործվի տեղեկատվության լայն շրջանակ ցուցադրելու համար, ներառյալ համայնքի ավագանու նիստերը, հանրային լսումները, գրաֆիկական պատկերները, տեսանյութերը և անիմացիաները: Առաջարկվող ծրագրի ընդհանուր բյուջեն կկազմի 3300000 դրամ։ Արդյունքները․  Բարձրացնել քաղաքացիական գիտակցությունը. Վերացնել տեղական կառավարման գործընթացների վերաբերյալ բնակիչների իրազեկվածության պակասը՝ տրամադրելով հստակ և մատչելի տեղեկատվություն:  Բարձրացնել քաղաքացիական մասնակցությունը. Խրախուսեք ավելի մեծ քաղաքացիական մասնակցությունը՝ տեղեկացնելով բնակիչներին համայնքային գործունեության, որոշումների և ներգրավվածության հնարավորությունների մասին տեսանելի միջոցի միջոցով:  Բարելավել տեղեկատվության տարածումը. Օգտագործեք նորագույն տեխնոլոգիաները՝ բնակիչներին արդյունավետ տեղեկատվություն տրամադրելու համար՝ հաղթահարելով ավանդական կայքերի և սոցիալական ցանցերի սահմանափակումները, հատկապես գյուղական վայրերում:  Խթանել թափանցիկությունը և հաշվետվողականությունը. Խթանել նորարարությունը թափանցիկության և հաշվետվողականության ոլորտում՝ հրապարակայնորեն ցուցադրելով Արենիի համայնքապետարանի գործունեության մասին տեղեկատվություն՝ ընդգծելով Աղավնաձոր բնակավայրի հետ կապված տեղեկատվությունը:

0 25

Սոցիալական ոլորտ

Տեսնել բոլորը