Ղեկավարվելով  «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5․1-րդ և  42-րդ կետերի պահանջով, Արենի համայնքի ավագանին որոշում է՝

1․ Արենի համայնքի բնակավայրերում (Արենի, Ագարակաձոր, Աղավնաձոր, Արփի, Գնիշիկ, Ելփին, Չիվա, Խաչիկ և Ռինդ )  2025 թվականին կազմակերպվող փառատոնների և գյուղի տոների պատշաճ կազմակերպման և իրականացման համար 2025թվականի տարեկան բյուջեից հատկացնել գումարներ․

1) Արենի բնակավայր՝ մինչև 8 միլիոն ՀՀ դրամ,

2) Ագարակաձոր բնակավայր՝  մինչև  2 միլիոն ՀՀ դրամ,

3) Աղավնաձոր բնակավայր՝ մինչև  5 միլիոն ՀՀ դրամ,

4) Արփի բնակավայր՝ մինչև  2 միլիոն ՀՀ դրամ,

5) Գնիշիկ բնակավայր՝ մինչև  2 միլիոն ՀՀ դրամ,

6) Ելփին բնակավայր՝ մինչև  2 միլիոն ՀՀ դրամ,

7) Խաչիկ բնակավայր՝ մինչև  5 միլիոն ՀՀ դրամ,

8) Չիվա բնակավայր՝  մինչև 2 միլիոն ՀՀ դրամ,

9) Ռինդ բնակավայր՝ մինչև  7 միլիոն ՀՀ դրամ,

Ընդամենը՝ 35 միլիոն ՀՀ դրամ։

2․ Արենի համայնքի ղեկավարին՝

1) Բնակավայրերի թաղամասերը ներկայացնող  տաղավարների ձևավորման և անհրաժեշտ այլ ապրանքների գնման նպատակով,  թաղամասերի կողմից ներկայացված պատասխանատու անձանց  հատկացնել 40 000 ՀՀ դրամ՝ մեկ տաղավարի հաշվով։

2) Համայնքի բնակավայրերը ներկայացնող տաղավարների ձևավորման և անհրաժեշտ այլ պարագաների գնման նպատակով բնակավայրերի վարչական ղեկավարներին և Արենի բնակավայրի պատասխանատուին հատկացնել 40 000 ՀՀ դրամ՝ մեկ տաղավարի հաշվով։

3․ Փառատոնների կազմակերպման աշխատանքներին և իրականացվելիք ծախսերին ներգրավել համայնքի կողմից հիմնադրված <<Արփա>> բնապահպանական հիմնադրամին և <<Արենի համայնքային  զարգացման>> հիմնադրամին։

4․ Փառատոնների ժամանակ համայնքապետարանի կողմից քաղաքացիներին  և իրավաբանական անձանց տրամադրվող գույքի (տաղավար, ծալովի աթոռ, ծալովի սեղան) վարձավճար  սահմանել մեկ օրվա համար 10000 /տաս հազար/ ՀՀ դրամ, որը  պետք է վճարվի «Արենի համայնքային զարգացման» հիմնադրամի հաշվեհամարին՝ կանոնադրությամբ սահմանված նպատակների  իրականացման  համար։