Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 6-րդ և 42-րդ կետերի պահանջով՝ Արենի համայնքի ավագանին որոշում է.

1. Հարգել Արենի համայնքի Արենի բնակավայրի բնակիչների դիմումը և տալ համաձայնություն, որպես հրատապ և անհետաձգելի լուծում պահանջող հիմնախնդիր, <<Նորավանքի ձոր>> կոչվող տարածքի վերջնամասում գտնվող ջրաղբյուրից պոլիէթիլենային խողովակներով (մոտավորապես 4կմ երկարության) անցկացնել նոր ջրագիծ՝ բնակչությանը կենսական նշանակություն ունեցող ջրով ապահովելու նպատակով:

2. Աշխատանքների կատարման գործընթացին ներգրավվել շահառու բնակիչներին:

3. Ծրագրի ընդհանուր բյուջեի առավելագույն գումար սահմանել հինգ միլիոն ՀՀ դրամ:

4. Աշխատանքների իրականացման ժամանակ ներգրավվել համայնքին պատկանող տեխնիկաները:

5. Արենի ՀՈԱԿ-ի տնօրենին՝  հատկացնել սահմանված չափով  վառելիք և կատարել համապատասխան վճարումներ, ձեռք բերել ջրագծի կառուցման համար անհրաժեշտ նյութեր և պարագաներ:  

6. Առաջարկել Արենի համայնքի ղեկավարին իրականացվելիք աշխատանքներին զուգահեռ, օրենքով սահմանված կարգով ջուրը ներկայացնել լաբորատոր փորձաքննության և ստանալ համապատասխան թույլտվություններ՝ հետագայում որպես խմելու ջուր օգտագործելու նպատակով:

7. Արենի համայնքի ղեկավարին՝ կազմել նախահաշիվ, իրականացնել պահանջվող աշխատանքները և ծրագրի ավարտից հետո ներկայացնել մանրամասն հաշվետվություն համայնքի ավագանուն: