ՆԱԽԱԳԻԾ

Հիմք ընդունելով Արենիի համայնքի ավագանու 21 օգոստոսի 2025 թվականի թիվ 112-Ա որոշումը և ղեկավարվելով «Տեղական ինքնակառավարման մասին» Հայաստանի Հանրապետության օրենքի 43-րդ հոդվածի 1-ին մասի 3-րդ կետի, Հայաստանի Հանրապետության քաղաքացիական օրենսգրքի 210-213 հոդվածների, Հայաստանի Հանրապետության հողային օրենսգրքի 50-րդ հոդվածի պահանջներով, որոշում եմ՝

1․  Արենի համայնքի Գնիշիկ բնակավայրի վարչական սահմաններում գտնվող, սույն որոշման հավելված 1-ով ներկայացված համայնքային սեփականություն հանդիսացող գյուղատնտեսական  նշանակության հողատարածքները,  10  տարի ժամկետով, անհատույց, սահմանափակ օգտագործման իրավունքով  (սերվիտուտով) տրամադրել Վայրի բնության և մշակութային արժեքների պահպանման հիմնադրամին՝ հողամասերում համապատասխան հետազոտությունների,  անտառհիմնման ու բնապահպանական ծրագրերի իրականացման նպատակով :

2․ Սերվիտուտով տրամադրված տարածքներում գտնվող խմելու և ոռոգման ջրի ջրաղբյուրները ինչպես նաև ջրագծերը ամբողջությամբ վերահսկվում են Արենիի համայնքապետարանի կողմից։

3․ Սույն որոշմամբ տրամադրված հողատարածքներում իրականացվող ծրագրերի արդյունավետությունից և անհրաժեշտությունից ելնելով հետագայում վերանայել տրամադրման ժամկետը։

4․ Արենի համայնքի բնակիչները իրավունք ունեն  անարգել օգտվել հատկացված տարածքներից՝ խոտհնձի, խոտաբույսերի հավաքման և համատեղ համաձայնեցված այլ  նպատակներով։