Հիմք ընդունելով ՀՀ կառավարության 18.05.2006թ. թիվ 912-Ն որոշմամբ հաստատված կարգի 2-րդ մասը, 16.12.2021թ.-ի Հայաստանի Հանրապետության ՀՕ 397-Ն օրենքի 2-րդ հոդվածը, ՀՀ կառավարության 05.01.2022թվականի թիվ 14-Ն որոշումը, ՀՀ Կառավարության 29.12.2005թ.-ի թիվ 2387-Ն որոշումը և քաղաքացու դիմումը,  որոշում եմ՝

1. Արենի համայնքի Արենի  բնակավայրի 3-րդ  փողոց, 2-րդ փակուղի, թիվ 1 հասցեում գտնվող (ծածկագիր՝ 10-008-0055-0013-ից, հողամասի չափը՝ 0,0735 հա, նպատակային նշանակությունը՝  բնակավայրերի, գործառնական նշանակությունը՝  բնակելի կառուցապատման) Արսեն Սերյոժայի Սիմոնյանին  սեփականության իրավունքով պատկանող հողամասի վրա ինքնակամ կառուցված  բնակելի տունը՝ 81,5 քմ․ ճանաչել օրինական:
2. Ինքնակամ կառույցը օրենքով սահմանված կարգով հաշվառված է ՀՀ կադաստրի կոմիտեի էլեկտրոնային բազայում: Հաշվառման կոդ՝ 2024THSYTF:
3. Առաջարկել կառույցն իրականացրած Արսեն Սիմոնյանին վճարելու 1 քմ.` 1209 ՀՀ դրամ ինքնակամ կառուցված բնակելի տան համար, ընդամենը՝  98 534   (իննսունութ  հազար հինգ հարյուր երեսունչորս) ՀՀ դրամ, հաշվի առնելով  «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի (ՀՕ-225-Ն) 4-րդ հոդվածի 2-րդ մասի 6-րդ և 5-րդ հոդվածի 2-րդ մասի 9-րդ կետերով սահմանված շինության տարածագնահատման (գտնվելու վայրի) գոտիականության գործակիցը և 2020 թվականի հունիսի 4-ի N 1023-Ն որոշմամբ սահմանված տարածագնահատման (գտնվելու վայրի) գոտիականության սահմանները:
4. Ինքնակամ կառույցի օրինականացման վճարները վճարվում են անկանխիկ եղանակով հետևյալ հաշվեհամարին՝ 900355003451:
5. Ինքնակամ կառույցի պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք, ինչպես նաև չի գտնվում ՀՀ Հողային օրենսգրքի 60-րդ հոդվածով սահմանված հողամասերի վրա,
6. Սույն որոշման ընդունման օրվանից 60-օրյա ժամկետում ինքնակամ կառույցի համար հաշվարկված վճարները չվճարելու դեպքում որոշումը համարվում է ուժը կորցրած։
7. Սույն որոշումն ուժի մեջ է մտնում ստորագրման պահից: