Մայիսի 27- ին Արենիի Համայնքապետարանում կայացավ համայնքի ղեկավարի կողմից հրավիրված արտահերթ աշխատանքային խորհրդակցություն, որին մասնակցեցին աշխատակազմի անդամները։ Պարզաբանվեց Արենի բնակավայրում պարետի թիվ 77 որոշման ժամկետի ավարտից հետո համայնքապետարանի աշխատելաոճը։ Համայնքի ղեկավարը հորդորեց պահպանել սոցիալական հեռավորությունը, պարտադիր կրել դիմակներ, սահմանափակել քաղաքացիների մուտքը համայնքապետարան։ Քննարկվեցին նաև այլ աշխատանքային հարցեր, տրվեց համապատասխան հանձնարարականներ։

Շարունակվում է Արենի համայնքի ղեկավար Հուսիկ Սահակյանի շրջայցերը բնակավայրերում։ Մայիսի 26-ին Ագարակաձոր բնակավայրում այցելեց Արցախյան պատերազմի ազատամարտիկ Ահարոն Հարությունյանին, ինչպես նաև ծանոթացավ ներբնակավայրային և հանդամիջյան ճանապարհների համահարթեցման աշխատանքներին։

Մայիսի 25- ին Չիվա բնակավայրի վարչական շենքում տեղի ունեցավ Արենի համայնքի ղեկավար Հուսիկ Սահակյանի կողմից հրավիրված հերթական աշխատանքային խորհրդակցությունը, որին մասնակցեցին բնակավայրերի վարչական ղեկավարները։ Վերջիններս ներկայացրեցին բնակավայրերում առկա խնդիրները, հասարակական և մարդաշատ վայրերի ախտահանման աշխատանքների ընթացքը։ Անդրադարձ կատարվեց 2020 թվականի ընթացքում համայնքի տարածքում նախատեսվող համաֆինանսավորվող ծրագրերին։ Համայնքի ղեկավարին ներկայացվեց բնակավայրերում <<Արենի>> ՀՈԱԿԻ կողմից կատարվող և նախատեսվող աշխատանքները, հարկային պարտավորությունների կատարման ընթացքը։ Աշխատակազմի անդամները ստացան համապատասխան հրահանգներ։

Մայիսի 21- ին Արենիի Համայնքապետարանի աշխատակազմի անդամները համայնքի ղեկավար Հուսիկ Սահակյանի գլխավորությամբ հանդիպում ունեցան Աղավնաձորի արվեստի դպրոցի ուսուցչական կոլեկտիվի հետ։ Քննարկվեց վերջիններիս աշխատանքի շարունակման տարբերակները, ծնողական վճարների հավաքագրման կարգը, աշխատավարձերը։

Մայիսի 20-ին Արենի համայնքի ղեկավարը աշխատանքային այցով գտնվում էր Աղավնաձոր բնակավայրում, որտեղ տեղում քննարկվեցին բնակիչներից ստացված միքանի դիմումներ։

Մայիսի 15- ին ընտանքի միջազգային օրվա կապակցությամբ Արենիի համայնքապետարանը անակնկալ էր պատրաստել համայնքի 10 բազմազավակ ընտանիքների համար։ Համայնքի ղեկավար Հուսիկ Սահակյանը, ավագանու անդամները, վարչական ղեկավարների ուղեկցությամբ այցելեցին վերոնշյալ ընտանիքներ, հանձնեցին փոքրիկ խորհրդանշական նվեր` շնորհավորելով այս գեղեցիկ օրվա առթիվ։

Մայիսի 14- ին Արենի համայնքի ղեկավար Հուսիկ Սահակյանը ընդունեց <<Բիոջեռուցման լուծումների հետազոտողներ>> ՀԿ -ի և <<Switchgreen llc>> ընկերության ներկայացուցիչներին։ Վերջիններս ներկայացրեցին իրենց ծրագիրը, որը նախատեսում է ջերմոցային տնտեսությունների կառուցում համայնքի տարածքում։ Պարոն Սահակյանը առաջարկեց ուսումնասիրել Խաչիկ բնակավայրում կառուցելու հնարավորությունները, ապա անցնել քննարկումների հաջորդ փուլին։