Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 6-րդ և 42-րդ կետերի պահանջներով՝ Արենի համայնքի ավագանին որոշում է. Հարգել Արենի համայնքի Խաչիկ բնակավայրի բնակիչների դիմումները, այն է.
- Արենի համայնքի Խաչիկ բնակավայրում գործող կարատեի խմբակի գործունեությունը շարունակելու համար, կարատեի դասատու-մարզիչին տրամադրել ճանապարհածախս՝ սահմանելով մեկ օրվա համար 3000 (երեք հազար) ՀՀ դրամ՝ ըստ նախորոք հաստատված ժամանակացույցի՝ կնքելով համապատասխան պայմանագիր:
- Հաշվի առնելով այն հանգամանքը, որ Խաչիկ բնակավայրում չկա մշտապես գործող մանկապարտեզ, առաջարկել համայնքի ղեկավարին 3-5 տարեկան երեխաների համար կազմակերպել մանկական խմբակ, խմբակավարի հետ կնքել ժամանակավոր աշխատանքային պայմանագիր և ըստ աշխատած ամիսների կատարել համապատասխան վճարումներ: Ամսեկան դրույքաչափը սահմանել 78000 (յոթանասունութ հազար) ՀՀ դրամ՝ ներառյալ հարկերը:
|