| Բովանդակություն * | Արենի համայնքի ղեկավար Հուսիկ Սահակյանի նախաձեռնությամբ փետրվարի 22-ին համայքապետարանում տեղի ունեցավ Արենի բնակավայրի ճանապարհամերձ վաճառակետերի տերերի հետ հերթական հանդիպումը, որի նպատակն էր քննարկել միատեսակ տաղավարների կառուցումը: Նախորդ հանդիպման արդյունքում որոշվել էր հանդիպել արդեն պատրաստի առաջարկություններով` ինչպես վաճառականների, այնպես էլ համայնքապետարանի կողմից: Հանդիպման ընթացքում ներկայացվեց տաղավարների նախագծերի երկու տարբերակ: Համայնքի ղեկավարը հրահանգեց աշխատակազմի առաջատար մասնագետ - ճարտարապետին յուրաքանչյուր վաճառակետին ցուցաբերել անհատական մոտեցում և աջակցել կառուցման աշխատանքներին:
Հանդիպմանը ներկա էր նաև Գործարարության աջակցման գրասենյակի ղեկավար, ավագ խորհրդատու Գևորգ Պողոսյանը: Նա ներկայացրեց, որ աշխատանքներ են տարվում որպեսզի տնայնագործ գինեգործները նույնպես, բացառության կարգով, հնարավորություն ունենան հանդես գալ որպես ընտանեկան ձեռնարկատերեր, որը թույլ կտա նրանց մտնել հարկային դաշտ և վաճառել շշալցված և ակցիզավորված գինիներ: Հանդիպման մասնակից կողմերի միջև եղան մտքերի, կարծիքների փոխանակություններ, Համայնքի ղեկավարը տվեց համապատասխան հանձնարարականներ:
|