Փետրվարի 7-ին Արենիի համայնքապետարանում համայնքապետ Հուսիկ Սահակյանի նախաձեռնությամբ հանդիպում տեղի ունեցավ Եղեգնաձորի Ջուր օգտագործողների ընկերության գործադիր տնօրեն Հազարապետ Նազարյանի հետ: Հանդիպմանը մասնակցում էին բնակավայրերի վարչական ղեկավարները և ՋՕԸ-ի աշխատակիցներ: Հանդիպման նպատակն էր քննարկել ոռոգման սեզոնի սկսվելուն ընդառաջ կատարվելիք նախապատրաստական աշխատանքները և հստակորեն բաժանել այդ աշխատանքները ՋՕԸ-ի և համայնքապետարանի միջև:Բնակավայրի վարչական ղեկավարները բարձրացրեցին իրենց և բնակիչներին հուզող հարցերը՝ստանալով սպառիչ պատասխաններ: Պրն. Սահակյանը և պրն. Նազարըանը վստահեցրեցին , որ իրենց արդյունավետ համագործակցությունը կշարունակվի նաև հետագայում: