Բովանդակություն * | Հերթական աշխատանքային շաբաթը Արենիի համայնքապետարանը սկսեց համայնքի ղեկավարի կողմից հրավիրված խորհրդակցությամբ։ Պարոն Սահակյանը աշխատակազմի համապատասխան մասնագետներին հանձնարարեց շարունակել համայնքի տարածքում իրականացվող ապօրինի շինարարությունների հայտնաբերման գործընթացը։ Անդրադարձ կատարվեց նաև բնակավայրերում առկա պատմամշակույթային հուշարձանների պահպանման խնդրին, որի շուրջ անհրաժեշտ է համագործակցել Պատմական միջավայրի պահպանության Վայոց ձորի մարզային ծառայության հետ։ Վարչական ղեկավարները հրահանգ ստացան շարունակել բնակավայրերում հակահրդեհային հիդրանտների տեղադրման աշխատանքները` հաշվի առնելով եղանակային պայմանները և հրդեհների առաջացման վտանգը։ |