Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի առաջին մասի 31-րդ և ՀՀ «Հողային օրենսգրքի» 3-րդ հոդվածի 1-ին մասերի պահանջներով և հիմք ընդունելով ՀՀ կառավարության 2011 թվականի դեկտեմբերի 29-ի  թիվ 1918-Ն որոշումը, ՀՀ վարչապետի 2001 թվականի օգոստոսի 13-ի թիվ 599 որոշմամբ ստեղծված «Հողերի օգտագործման ժամանակավոր սխեմաների համաձայնեցման միջգերատեսչական հանձնաժողովի»  08.01.2018 թվականի թիվ 3 դրական  եզրակացությունը, Արենի համայնքի ավագանին

ՈՐՈՇՈՒՄ Է՝

   ՀՀ Վայոց ձոր մարզի Արենի համայնքի Գնիշիկ բնակավայրի հողերի օգտագործման ժամանակավոր սխեմայում կատարել փոփոխություն՝ Արենի համայնքի սեփականություն հանդիսացող գյուղատնտեսական  նշանակության հողերից 0.72 հա (կադաստրային ծածկագիրը՝ 10-017-0226-0024, գործառնական նշանակությունը՝ արոտ) հողամասի նպատակային նշանակությունը փոխադրել արդյունաբերության, ընդերքօգտագործման և այլ արտադրական  նշանակության հողերի կատեգորիա՝ ընդերքի օգտագործման համար տրամադրված հողամասերի գործառնական նշանակության: