Ղեկավարվելով Հայաստանի Հանրապետության «Տեղական ինքնակառավարման մասին» օրենքի 43-րդ հոդվածի 1-ին մասի 3-րդ կետի, «Հողային օրենսգրքի» 76-րդ հոդվածի պահանջներով, և հիմք ընդունելով` Արենի համայնքի ավագանու 2019 թվականի փետրվարի 27-ի թիվ 18 որոշումը, Արենի համայնքի մրցութային հանձնաժողովի 10.04.2019 թվականի թիվ 1 արձանագրությունը՝ Արենի համայնքի ղեկավարը որոշում է. 1. Արենի համայնքի սեփականություն հանդիսացող, Արենի համայնքի 2-րդ փողոց թիվ 40 հասցեում գտնվող 0.2 հա (ծածկագիրը՝ 10-008-0265-0074 նպատակային նշանակությունը՝ էներգետիկայի, տրանսպորտի, կապի, կոմունալ ենթակառուցվածքների օբյեկտների, գործառնական նշանակությունը՝ կապի հողեր) հողամասը 10 տարի ժամկետով, վարձակալությամբ հատկացնել մրցույթում հաղթող ճանաչված <<ՅՈՒՔՈՄ>> ՍՊԸ-ին՝ իդեմս գլխավոր տնօրեն Հայկ Եսայանին:
- Հողամասի կադաստրային արժեքը կազմում է՝ 68 400 (վաթսունութ հազար չորս հարյուր) ՀՀ դրամ:
- Տարեկան վարձավճարը սահմանել 200.000 (երկու հարյուր հազար) ՀՀ դրամ, որը կազմում է կադաստրային արժեքի 292.4 %-ը:
- Յուրաքանչյուր ամսվա վարձավճարը կազմում է 16667 (տասնվեց հազար վեց հարյուր վաթսունյոթ) ՀՀ դրամ:
- Վարձավճարը վարձակալի կողմից մուծվում է հավասար չափերով՝ ըստ տարվա օրացուցային եռամսյակների, ոչ ուշ քան մինչև համապատասխան եռամսյակի վերջին ամսվա 20-ը:
- Առաջին վարձակալական վճարումը կատարվում է ոչ ուշ, քան պայմանագրի ուժի մեջ մտնելուց 10 օրվա ընթացքում:
- Վերջին վարձակալական վճարումը կատարվում է ոչ ուշ, քան մինչև պայմանագրի գործողության ժամկետի վերջին ամսվա 25-ը: 2. <<ՅՈՒՔՈՄ>> ՍՊԸ-ի հետ նոտարական վավերացմամբ կնքել պայմանագիր, համաձայն որի պայմանագիրը ուժի մեջ մտնելուց երկու տարի հետո վարձավճարը կրկնապատկվում է և սահմանվում է 400հազար ՀՀ դրամ:
|