Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետի պահանջով՝ Արենի համայնքի ավագանին որոշում է.

1. Տալ համաձայնություն Արենի համայնքի Չիվա բնակավայրում ՄԱԿ-ի ծրագրով` որպես սելաֆի և սողանքի պաշտպանիչ գոտի,  2.0927հա հողատարածքի վրա տնկված դեկորատիվ  ծառերը պահպանելու, հետագա խնամքը կազմակերպելու և տարածքը կանաչապատելու նպատակով անհատույց, 25 տարի ժամկետով, հատկացնել Չիվա բնակավայրի բնակիչ Հմայակ Թադևոսյանին,

2. Առաջարկել Արենի համայնքի ղեկավարին ստեղծել հանձնաժողով, գույքագրել տարածքը և կնքել համապատասխան պայմանագիր՝ համաձայն որի համայնքապետարանը պարտավորվում է իրականացնել  մշտական հսկողություն տարածքի կանաչապատման  և ծառերի պահպանման նկատմամբ, իսկ քաղաքացին պարտավորվում է բարեխղճորեն կատարել իր վրա դրված  պայմանագրային պարտականությունները:

(որոշումը խմբագրվել է հիմք ընդունելով Արենի համայնքի ավագանու 05.03.2021թվականի թիվ 027 որոշումը)