Ղեկավարվելով «Տեղական ինքնակառավարման մասին» Հայաստանի Հանրապետության օրենքի 98-րդ հոդվածի 2-րդ մասի, «Նորմատիվ իրավական ակտերի մասին» Հայաստանի Հանրապետության օրենքի 38-րդ հոդվածի առաջին մասի պահանջներով և հիմք ընդունելով ՀՀ Վայոց ձորի մարզպետի 2018 թվականի դեկտեմբերի 18-ի թիվ 01/10.1/8989-18 գրությունը, Հայաստանի Հանրապետության Կառավարության «Հողերի օգտագործման ժամանակավոր սխեմաներ կազմելու կարգը հաստատելու և Հայաստանի Հանրապետության կառավարության 2001 թվականի հունվարի 17-ի N 30 որոշումն ուժը կորցրած ճանաչելու մասին» 2011 թվականի դեկտեմբերի 29-ի N1918-Ն՝ Արենի համայնքի ավագանին որոշում է.
1. Անվավեր ճանաչել Արենի համայնքի ավագանու 2018 թվականի նոյեմբերի 16-ի թիվ 13 նիստում ընդունված «Արենի համայնքի Ելփին և Չիվա բնակավայրերի տարածքից, բուսական ծածկույթից զուրկ, գյուղատնտեսության համար ոչ պիտանի հատվածներից հողային զանգվածի 1խմ-ի համար վճար սահմանելու մասին» թիվ 107 որոշումը
2. Հաշվի առնելով այն հանգամանքը, որ ներհամայնքային ճանապարհների բարեկարգման և խճապատման համար մշտապես օգտագործվում է Ելփին և Չիվա բնակավայրերից հողային զանգվածի խառնուրդը, առաջարկել համայնքի ղեկավարին կազմել հողաշինական գործ (հողամասերի նպատակային նշանակությունը փոխադրել արդյունաբերական ընդերքօգտագործման և այլ արտադրական նշանակության) և յուրաքանչյուր բնակավայրից 0.2հա հողամասի նպատակային նշանակության փոփոխության հարցը ներկայացնել ՀՀ կառավարության լիազորած պետական կառավարման մարմին: