Ղեկավարվելով Հայաստանի Հանրապետության «Տեղական ինքնակառավարման մասին»  օրենքի 18-րդ հոդվածի 1-ին մասի 42-րդ կետի պահանջով և հիմք ընդունելով  ՀՀ Վայոց ձորի մարզպետի 01.07.2020թվականի թիվ 01/07.4/4175-2020 գրությունը՝ Արենի համայնքի ավագանին որոշում է.

1. Տալ համաձայնություն Արենի համայնքի սեփականություն հանդիսացող Ֆորդ Տրանզիտ մակնիշի 823LL70 պետհամարանիշի ուղևորատար միկրոավտոբուսով  Արենի համայնքի բնակավայրերից դեպի մարզկենտրոն և հակառակ ուղղություններով անվճար կանոնավոր ուղևորափոխադրում իրականացնելուն, բացի շաբաթ, կիրակի և տոն օրերից:

2.  Հաստատել  միկրոավտոբուսով իրականացվելիք երթուղու ժամերը և օրերը համաձայն սույն որոշման հավելված 1-ի:

3. Սահմանել ուղևորատար միկրոավտոբուսի  վարորդի աշխատավարձի չափը՝  160 000 ՀՀ դրամ՝ ներառյալ հարկերը:

4. Առաջարկել համայնքի ղեկավարին`

ա/ հավասարության սկզբունքը պահպանելու նպատակով Աղավնաձոր -Եղեգնաձոր երթուղին սպասարկող վարորդի հետ կնքել պայմանագիր, սահմանված գրաֆիկի համաձայն օրական մեկ անգամ Աղավնաձորից Եղեգնաձոր և հակառակ ուղղությամբ բնակչությանը սպասարկել անվճար` ամսական վճարելով համայնքի բյուջեից 50 000 ՀՀ դրամ առանց հարկերի:

բ/ ուղևորափոխադրումների կազմակերպման համար հատկացնել դիզելային վառելիք՝ ըստ սահմանված նորմերի:

5. Սույն որոշման 1-4 կետերը իրականացնել Հայաստանի Հանրապետությունում հայտարարված արտակարգ դրության ժամանակահատվածում, որից հետո ներկայացնել վերանայման,

6. Ապահովել պարետի որոշմամբ սահմանված համավարակի տարածման դեմ կանխարգելիչ միջոցառումների իրականացումը: