Ղեկավարվելով Հայաստանի Հանրապետության <<Նորմատիվ իրավական ակտերի մասին>> օրենքի 37-րդ հոդվածի 1-ին մասի, «Տեղական ինքակառավարման մասին» օրենքի 43-րդ հոդվածի 4-րդ կետի պահանջով և հիմք ընդունելով ՀՀ Կառավարության 23.07.2015թվականի թիվ 828-Ն որոշումը, ՀՀ Կառավարության 2002 թվականի փետրվարի 2-ի թիվ 88 որոշմամբ սահմանված կարգը և ՀՀ Վայոց ձորի մարզպետի 19.05.2020թվականի թիվ 01/07.2/3239-2020 գրությունը Արենի համայնքի ղեկավարը որոշում է.

1. Ուժը կորցրած ճանաչել Արենի համայնքի ղեկավարի 17.12.2019թվականի թիվ 282 որոշումը,

2. Արենի համայնքի Աղավնաձոր բնակավայրի վարչական տարածքում գտնվող, Ալվինա Անդրանիկի Ներսիսյանի սեփականություն հանդիսացող, 0.00378 հա մակերեսով հողամասի (ծածկագիրը՝ 10-006-0054-0022, նպատակային նշանակությունը բնակավայրերի, գործառնական նշանակությունը՝ հասարակական կառուցապատման) գործառնական նշանակությունը փոխադրել բնակելի կառուցապատման:

3. Նշված հողամասի վրա առկա 36քմ մակերեսով շինության (ծածկագիրը՝ 10-006-0054-0022-001, նպատակային նշանակությունը՝ հասարակական, շինության տեսակը՝ խանութ) նպատակային նշանակությունը փոխադրել բնակելի կառուցապատման, շինության տեսակը՝ բնակելի տուն:

 (որոշման համարը  խմբագրվել է հիմք ընդունելով Արենի համայնքի ղեկավարի 05.08.2020թվականի թիվ 185 որոշումը)