Ղեկավարվելով Հայաստանի Հանրապետության <<Նորմատիվ իրավական ակտերի>> մասին օրենքի 33-րդ հոդվածի 3-րդ մասի և 34-րդ հոդվածի 1-ին մասի պահանջներով, Արենի համայնքի ավագանին որոշում է.
Արենի համայնքի ավագանու 30.07.2019թվականի <<Արենի համայնքի ավագանու 27.02.2019թվականի թիվ 22 որոշումը ուժը կորցրած ճանաչելու և Արենի համայնքի սեփականություն հանդիսացող գյուղատնտեսական տեխնիկաների օգտագործման կարգը և սականգները հաստատելու մասին>> թիվ 85 որոշման մեջ ավելացնել նոր 5-րդ կետ.
5. Հաշվի առնելով Խաչիկ բնակավայրի հեռավորությունը և բնակավայրի առանձնահատկությունները, Արենի համայնքի Խաչիկ բնակավայրում շահագործվող Բելոռուս 82.1 տրակտորի համար սահմանել հատուկ պայմաններ.
1) Տրակտորով ծառայությունների մատուցումից գոյացած գումարի մեկ երորդը վճարվում է Արենիի համայնքապետարանի բյուջե՝ համապատասխան փաստաթղթերի հիման վրա՝ հաստատված Խաչիկ բնակավայրի վարչական ղեկավարի կողմից՝ իր պատասխանատվությամբ
2) Հավաքագրված գումարի մնացած մասը մնում է տրակտորիստին, որի մեջ ներառվում են.
ա) դիզելային վառելիքը,
բ) մատուցված ծառայությունների դիմաց տրակտորավարի ստացած եկամուտը,
գ) տրակտորի ընթացիկ վերանորոգման և սպասարկման ծախսերը ամբողջությամբ: |