Ղեկավարվելով «Տեղական ինքնակառավարման մասին» Հայաստանի Հանրապետության օրենքի 14-րդ հոդվածի 6-րդ մասի պահանջով՝ Արենի համայնքի ավագանին որոշում է.

Հաստատել Արենի համայնքի ավագանու 30-ը հուլիսի 2019 թվականի թիվ 10 արտահերթ նիստի հետևյալ օրակարգը.

1. Արենի համայնքի ավագանու 30 հուլիսի 2019 թվականի թիվ 10 նիստի օրակարգը հաստատելու մասին,

2. Արենի համայնքի Արփի բնակավայրի նախկին ճաշարանի շենքից վերանորոգված 116քմ հատվածի համար՝  որպես հանդիսությունների սրահ բնակչությանը տրամադրելու նպատակով, վարձավճար սահմանելու մասին,

3. Արենի համայնքի ավագանու 29.05.2019թվականի թիվ 63 որոշման 4-րդ և 5-րդ կետերը անվավեր ճանաչելու մասին

4. Արենի համայնքի ավագանու 27.02.2019թվականի թիվ 22 որոշումը ուժը կորցրած ճանաչելու և Արենի համայնքի սեփականություն հանդիսացող գյուղատնտեսական տեխնիկաների օգտագործման կարգը և սականգները հաստատելու մասին,

5. Արենի համայնքի Ագարակաձոր բնակավայրի բնակիչ Ռուբեն Գալստյանի դիմումը քննարկելու և նրա խնամակալ Գոռ Վահեի Գալստյանին մանկապարտեզի ծնողական վճարից ազատելու մասին,

6. Արենի համայնքի 2019թվականի տարեկան բյուջեի  վարչական մասի պահուստային ֆոնդից ֆոնդային բյուջե գումար հատկացնելուն և  ծախսային մասում հոդվածային վերաբաշխումներ կատարելուն համաձայնություն տալու մասին,

7. Արենի համայնքի կողմից ներկայացված և ՀՀ կառավարության սուբվենցիաներ ստանալու համար ծրագրային հայտերի գնահատման միջգերատեսչական հանձնաժողովի կողմից հավանության արժանացած ծրագրերը իրականացնելու և ֆինանսական միջոցներ ներգրավվելու մասին: 

8.  Արենի համայնքի Չիվա բնակավայրի բնակիչ, հրդեհից տուժած Կարեն Հարությունյանին դրամական օգնություն հատկացնելու մասին