Հիմք ընդունելով ՀՀ կառավարության 18.05.2006 թվականի թիվ 912-Ն որոշմամբ հաստատված կարգի 2-րդ մասը, լիցենզավորված կազմակերպության կողմից իրականացված չափագրումը, քաղաքացու դիմումը և նկատի ունենալով, որ ինքնակամ կառույցը համապատասխանում է ՀՀ քաղաքացիական օրենսգրքի 188-րդ հոդվածի պահանջներին, Արենի համայնքի ղեկավարը որոշում է՝

1. Արենի համայնքի Ելփին բնակավայրի վարչական տարածքում գտնվող քաղաքացի Վալերիկ Լենդրուշի Սմբատյանին, Էլմիրա Սուրենի Իշխանյանին, Արթուր Վալերիկի Սմբատյանին և Ստելլա Վալերիկի Սմբատյանին համասեփականության իրավունքով պատկանող բնակավայրերի նշանակության 0.22919 հա (ծածկագիրը՝ 10-020-0087-0001, հասցեն՝ գ. Ելփին, 14 փողոց, թիվ 45) հողամասի վրա ինքնակամ կառուցված բաց պատշգամբը, թոնրատունը և անասնաշենքը, ընդամենը 114.44 ք. մ. համարել օրինական,
2. Առաջարկել կառույցն իրականացրած Վալերիկ Լենդրուշի Սմբատյանին վճարելու 1 ք.մ. 330 ՀՀ դրամ: Բաց պատշգամբի համար՝ 28 288 ՀՀ դրամ, թոնրատան համար՝ 6023 ՀՀ դրամ, անասնաշենքի համար՝ 3455 ՀՀ դրամ, ընդամենը՝ 37 766 ՀՀ դրամ, հաշվի առնելով ՀՀ կառավարության  17.04.2003 թվականի թիվ 470-Ն որոշմամբ հաստատված գործակիցները:
3. Ինքնակամ կառույցների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք,
4. Սույն որոշման ընդունման օրվանից օրինականացման համար սահմանված վճարների 60-օրյա ժամկետում չվճարման դեպքում որոշումը համարվում է ուժը կորցրած:

(որոշման մեջ կատարվել են փոփոխություններ Արենի համայնքի ղեկավարի 29.12.2020 թվականի թիվ 299 որոշմամբ)