Ղեկավարվելով Հայաստանի Հանրապետության  Քաղաքացիական օրենսգրքի 188-րդ հոդվածի, Հայաստանի Հանրապետության  Հողային օրենսգրքի 7-րդ հոդվածի 14-րդ և 15-րդ մասերի, ՀՀ կառավարության 29.12.2005թ.  թիվ 2387-Ն որոշման պահանջներով և  հիմք ընդունելով   ՀՀ կառավարության 18.05.2006թ. թիվ  912-Ն որոշմամբ հաստատված կարգի 2-րդ մասը, ՀՀ կառավարության 21.04.2021թվականի թիվ 600-Ն որոշման հավելված 3-ի 3-րդ մասը, Արենի համայնքի ավագանու 20.10.2021թվականի թիվ 123 որոշումը, Արենի համայնքի ղեկավարը որոշում է՝

1. Արենի համայնքի   Ռինդ բնակավայրի վարչական տարածքում գտնվող <<Սակի ընդ Սանս>> ՓԲԸ-ին սեփականության իրավունքով պատկանող 9.4հա գյուղատնտեսական նպատակային նշանակության հողամասից  (ծածկագիր՝ 10-037-0112-0194, գործառնական նշանակությունը՝ վարելահող) առանձնացված 0.21241հա հողամասի նպատակային նշանակությունը փոխադրել արդյունաբերության, ընդերքօգտագործման և այլ արտադրական նշանակության հողերի կատեգորիա՝ գյուղատնտեսական արտադրական գործառնական նշանակության:
2.  0.21241հա արդյունաբերական նշանակության  հողամասի վրա ինքնակամ կառուցված սառնարանային տնտեսության շինությունը՝  777քմ, համարել օրինական (կցվում է շինությունների և հողամասի հատակագիծը):
3. Առաջարկել կառույցն իրականացրած <<Սակի ընդ Սանս>> ՓԲԸ-ին  վճարելու 1 ք.մ.` 1114.5 ՀՀ դրամ ինքնակամ կառուցված շինության  համար՝ ընդամենը 865 967 (ութ հարյուր վաթսունհինգ հազար ինը հարյուր վաթսունյոթ) ՀՀ դրամ՝ հաշվի առնելով  «Անշարժ գույքի հարկով հարկման նպատակով անշարժ գույքի շուկայական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի (ՀՕ-225-Ն) 4-րդ հոդվածի 2-րդ մասի 6-րդ և 5-րդ հոդվածի 2-րդ մասի 9-րդ կետերով սահմանված շինության տարածագնահատման (գտնվելու վայրի) գոտիականության գործակիցը և 2020 թվականի հունիսի 4-ի N 1023-Ն որոշմամբ սահմանված տարածագնահատման (գտնվելու վայրի) գոտիականության սահմանները:
4. Վերը նշված հողամասին և շինությանը  տալ հետևյալ հասցեն՝ ՎՁՄ Արենի համայնք, գ. Ռինդ 3-րդ փողոց, թիվ 31:
   
5.  Ինքնակամ կառույցների   պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք, ինչպես նաև չի գտնվում ՀՀ Հողային օրենսգրքի 60-րդ հոդվածով սահմանված հողամասերի վրա,
6. Սույն որոշման ընդունման օրվանից 60-օրյա ժամկետում ինքնակամ կառույցն իրականացրած անձանց կողմից սահմանված գումարը չվճարելու դեպքում որոշումը համարվում է ուժը կորցրած:
7. Սույն որոշումն ուժի մեջ է մտնում ստորագրման պահից: