| Բովանդակություն * | Հունիսի 1- ին Արենի համայնքի Արփի բնակավայրի վարչական շենքում տեղի ունեցավ համայնքի ղեկավարի կողմից հրավիրված հերթական աշխատանքային խորհրդակցությունը, որին ներկա էին վարչական ղեկավարները և աշխատակազմի որոշ անդամներ։ Պարոն Սահակյանը հերթական անգամ հրահանգեց շարունակել հասարակական վայրերի ախտահանման աշխատանքները։ Անդրադարձ կատարվեց բնակավայրերում առկա խնդիրներին, բնակիչների կողմից բարձրացված հարցերին, հարկային պարտավորությունների կատարման ընթացքին։ Քննարկվեց նաև բնակավայրերում ոռոգման հետ կապված հարցերը։ Աշնանացան հացահատիկի ցանքսին ընդառաջ վարչական ղեկավարները ներկայացրեցին բնակավայրերի պատրաստվածությունը և առկա խնդիրները։ Համայնքի ղեկավարը վարչական ղեկավարներին հանձնարարեց ներկայացնել գործող գերեզմանոցների բարելավման տարբերակները։ Աշխատակազմի անդամները ստացան համապատասխան հանձնարարականներ։ |