| Բովանդակություն * | Օգոստոսի 26-ին Արենիի համայնքապետարանում կայացավ համայնքի ղեկավարի կողմից հրավիրված հերթական աշխատանքային խորհրդակցությունը։ Վարչական ղեկավարները ներկայացրեցին նախորդ շաբաթվա ընթացքում կատարած աշխատանքների վերաբերյալ զեկույցներ, ներկայացրեցին բնակավայրերում առկա հրատապ լուծում պահանջող խնդիրները։ Պարոն Սահակյանը ներկայացրեց Շվեյցարիա կատարած աշխատանքային այցի արդյունքները։ Մասնավորապես Շվեյցարիայում գործող Արմենիա բարեգործական հիմնադրամը պատրաստ է 11 մլն դրամ հատկացնել Խաչիկ բնակավայրում գիշերային լուսավորության ցանց կառուցելու համար։
Ելփին բնակավայրում ներդրած զգալի ավանդի համար Սամվել Ավետիսյանը համայնքի ղեկավարի կողմից արժանացավ շնորհակալագիր։ Հիշեցնենք, որ պարոն Ավետիսյանի հովանավորությամբ բնակավայրում կառուցվեց հակակարկտային պաշտպանության կայան։ |