Հուլիսի 22- ին Արենիի համայնքապետարանում կայացավ հերթական աշխատանքային խորհրդակցությունը, որը վարեց համայնքի ղեկավար Հուսիկ Սահակյանը։ Աշխատակազմի անդամներից և վարչական ղեկավարներից բացի խորհրդակցությանը մասնակցեցին նաև համայնքի մանկապարտեզների տնօրենները։ Հայտարարվեց, որ կապված շոգ եղանակների հետ մանկապարտեզները օգոստոսի 1- ից դադարեցնում են իրենց գործունեությունը և կվերաբացվեն նախնական սեպտեմբերի 9- ին` կախված եղանակային պայմաններից։ Վարչական ղեկավարները իրենց կատարած և նախատեսվող աշխատանքների մասին հանդես եկան զեկույցներով։ Համայնքի ղեկավարը ներկայացրեց այն համաֆինանսավորվող ծրագրերը, որոնք հաստատվել են հուլիսի 12- ի ՀՀ կառավարության նիստի ժամանակ։