| Բովանդակություն * | Հունիսի 15- ին Արենիի Համայնքապետարանում կայացավ համայնքի ղեկավարի կողմից հրավիրված հերթական աշխատանքային խորհրդակցությունը, որին ներկա էին վարչական ղեկավարները։ Նախ ներկաները ծանոթացան <<Արենի>> ՀՈԱԿ- ի տնօրենի պաշտոնի համար հայտ ներկայացրած քաղաքացիների հետ։ Այնուհետև վարչական ղեկավարները ներկայացրեցին բնակավայրերում առկա խնդիրները, կատարվող աշխատանքները։ Ապա ներկայացվեց բնակավայրերի հարկային պարտավորությունները առաջին կիսամյակի կտրվածքով։ Վարչական ղեկավարները ստացան հրահանգ մինչև ամսվա ավարտը պարտավորությունների կատարումը հասցնել 100 տոկոսի։ Անդրադարձ կատարվեց ոռոգման սեզոնի և հացահատիկի ցանքսի հետ կապված հարցերին։ Պարոն Սահակյանը նաև հորդորեց շարունակել հակահամաճարակային կանոնների պահպանմանը ուղղված միջոցառումները բնակավայրերում։ |