Ապրիլի 6- ին Արենիի Համայնքապետարանում կայացավ համայնքի ղեկավարի կողմից հրավիրված հերթական աշխատանքային խորհրդակցությունը, որին մասնակցեցին վարչական ղեկավարները։ Քննարկվեցին արտակարգ դրության պայմաններում բնակավայրերում իրականացվող կանխարգելիչ միջոցառումները, Համայնքի ղեկավարը հրահանգեց խստացնել բոլոր տեսակի միջոցառումների նկատմամբ վերահսկողությունը։ Անդրադարձ կատարվեց գյուղատնտեսական աշխատանքների կատարման ընթացքին։ Չնայած բոլոր տեսակի սահմանափակումներին, պարոն Սահակյանը շեշտեց այդ աշխատանքների կարևորությունը և պատրաստակամություն հայտնեց աջակցել գարնանացան մշակաբույսերի ցանքսի կազմակերպմանը։ Վարչական ղեկավարները հրահանգ ստացան շարունակել բնակավայրերի ախտահանման աշխատանքները։