Բովանդակություն * | Հունիսի 8- ին Արենիի համայնքապետարանում կայացավ համայնքի ղեկավար Հուսիկ Սահակյանի կողմից հրավիրված հերթական աշխատանքային խորհրդակցություն, որին մասնակցեցին աշխատակազմի անդամները։ Վերջիններս ներկայացրեցին իրենց նախորդ և ընթացիկ շաբաթվա ընթացքում կատարված և նախատեսվող աշխատանքները, ստացան համապատասխան հանձնարարականներ։ Այնուհետև աշխատանքային խորհրդակցությունը շարունակվեց Ագարակաձորի բնակավայրում, որին մասնակցեցին վարչական ղեկավարները։ Անդրադարձ կատարվեց ոռոգման սեզոնի ընթացքում առաջացած խնդիրներին, նախորդ խորդակցության ժամանակ ստացած հանձնարարականներին, բնակավայրերում կատարված ախտահանման աշխատանքներին։ Ներկայացվեց հարկային պարտավորությունների կատարման ընթացքը, բնակավայրերում առկա խնդիրները։ Համայնքի ղեկավարը նաև շրջեց բնակավայրում, ծանոթացավ ընթացքի մեջ գտնվող աշխատանքներին։ |