| Բովանդակություն * | Մայիսի 4- ին Արենիի Համայնքապետարանում կայացավ համայնքի ղեկավար Հուսիկ Սահակյանի կողմից հրավիրված հերթական աշխատանքային խորհրդակցությունը։ Կրկին անդրադարձ կատարվեց բնակավայրերի ախտահանման աշխատանքներին, հարկային պարտականությունների կատարման ընթացքին, ներկայացվեցին ոռոգման սեզոնի մեկնարկի հետ կապված խնդիրները։ Վարչական ղեկավարները հրահանգ ստացան ուշադրության կենտրոնում պահել համաֆինանսավորվող ծրագրերի նախագծման աշխատանքները։ Անդրադարձ կատարվեց նաև պարարտանյութերի ներկրման ընթացքին և նշվեց, որ շուկայական գնի բարձրացման հետևանքով փոփոխության է ենթարկվել նաև նախապես հավաքագրված գումարի չափը։ Աշխատակազմի անդամները ստացան համապատասխան հանձնարարականներ։ |