| Բովանդակություն * | Փետրվարի 21-ին Արենիի համայնքապետարանում տեղի ունեցավ հանդիպում Ռազմավարական զարգացման գործակալություն ՀԿ-ի <<Անասնապահության զարգացում Հայաստանի հարավում>> ծրագրի կազմակերպիչների հետ: Հանդիպմանը ներկա էին ծրագրի խորհրդատու Գագիկ Թովմասյանը, ծրագրի ղեկավարի տեղակալ Վարդան Համբարձումյանը, բաղադրիչի ղեկավար Արամ Ասատրյանը և համայքի բնակավայրերի վարչական ղեկավարները: Հանդիպման ժամանակ ներկայացվեց այն ծրագրերը, որոնք կատարվել են Արենի համայնքի տարածքում նախորդ տարիներին և 2018թ –ի սպասվելիք ծրագրերը: Նախատեսվում է անասնապահության զարգացմանը նպաստելու համար համայնքի արոտավայրերում կառուցել ջրախմոցներ, փարախներ, հովվի կացարաններ, բարելավել արոտավայրեր տանող ճանապարհները: Մասնավորապես խոսքը գնում էր դեպի հեռավոր արոտավայրեր տանող ճանապարհները, ինչպիսիք են Ջերմուկի, Հերհերի, Վարդանեսի արոտավայրերի ճանապարհները: Համայնքի ղեկավարը հանձնարարեց բնակավայրերի վարչական ղեկավարներին սեղմ ժամկետներում համայնքապետարան ներկայացնել բնակավայրերին անհրաժեշտ գործերի ցուցակը: |