Ղեկավարվելով Հայաստանի Հանրապետության <<Տեղական ինքնակառավարման մասին>> օրենքի 18-րդ հոդվածի առաջին մասի 4-րդ և 29-րդ,  Հայաստանի Հանրապետության <<Հողային օրենսգրքի>>  3-րդ հոդվածի 1-ին կետերով և հիմք ընդունելով ՀՀ կառավարության 2011 թվականի դեկտեմբերի 29-ի  թիվ 1920-Ն որոշումը, ՀՀ վարչապետի 2009 թվականի դեկտեմբերի 22-ի թիվ 1064-Ա որոշմամբ ստեղծված ՀՀ համայնքների քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի   թիվ 1/փ-52 դրական  եզրակացությունը, Արենի համայնքի ավագանին որոշում է՝

 1. ՀՀ Վայոց ձոր մարզի Արենի համայնքի Արենի բնակավայրի  գլխավոր հատակագծում կատարել փոփոխություն.

 1) ՀՀ Վայոց ձոր մարզի Արենի համայնքի Արենի բնակավայրի 45-րդ փողոց թիվ 3 հասցեում գտնվող 1.00811հա (նպատակային նշանակությունը՝ ջրային գյուղատնտեսական, գործառնական նշանակությունը՝ ջրային  արոտավայր, ծածկագիրը՝ 10-008-0179-0009)  հողամասից 0.84211հա հողամասի նպատակային նշանակությունը փոխադրել բնակավայրերի հողերի կատեգորիա՝՝ հասարակական կառուցապատման գործառնական նշանակության:

2. Նշված հողամասի նպատակային նշանակության փոփոխումից հետո հողամասում առկա.

1) Ջրավազանի (մակերեսը՝ 814.5քմ, ծածկագիրը՝ 10-008-0179-0009-002) նպատակային նշանակությունը համարել փոխված՝ որպես լողավազան,

2) Օժանդակ շինության (մակերեսը՝ 365.46քմ,  ծածկագիրը՝ 10-008-0179-0009-005) նպատակային նշանակությունը համարել փոխված՝ որպես լողավազանի օժանդակ շինություն,

3) թվով 10 հատ (յուրաքանչյուրի մակերեսը՝ 8քմ,  ծածկագրերը՝ 10-008-0179-0009-006-ից 10-008-0179-0009-015,  ) ծածկերի նպատակային նշանակությունը համարել փոխված՝ որպես տաղավարներ,

4) 12.3 քմ մակերեսով ծածկի (ծածկագիրը՝ 10-008-0179-0009-016) նպատակային նշանակությունը համարել փոխված՝ որպես տաղավար:

3. Սույն որոշումն ուժի մեջ է մտնում հողի սեփականատեր Մայիս Մկրտչյանի կողմից հողամասի նպատակային նշանակության փոփոխության հետևանքով առաջացած հողի կադաստրային արժեքների տարբերությունը, որը կազմում է 2 827 384 (երկու միլիոն ութ  հարյուր քսանյոթ հազար երեք հարյուր ութսունչորս) ՀՀ դրամ, վճարելուց և վճարման անդորրագիրը ներկայացնելուց հետո: