Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի, առաջին մասի 22-րդ և 24-րդ կետերի պահանջներով և հիմք ընդունելով Հայաստանի Հանրապետության Կառավարության 2005 թվականի դեկտեմբերի 29-ի թիվ 2387-Ն որոշումը և 2006 թվականի մայիսի 18-ի թիվ 912-Ն որոշմամբ հաստատված կարգի 2-րդ մասը, համասեփականատերերի դիմումը և Արենիի համայնքապետարանի աշխատակազմի առաջատար մասնագետ՝ ճարտարապետ, Սմբատ Սարգսյանի 29.11.2018 թվականի թիվ 1 արձանագրությունը, ինչպես նաև նկատի ունենալով, որ ինքնակամ կառույցը համապատասխանում է ՀՀ Քաղաքացիական օրենսգրքի 188-րդ հոդվածի պահանջներին՝ Արենի համայնքի ղեկավարը որոշում է.

1.  Արենի համայնքի Արենի բնակավայրի վարչական սահմաններում գտնվող, քաղաքացիներ Նելսոն Սերյոժայի Սիմոնյանին, Կարինե Բաբկենի Համբարձումյանին և Սերյոժա Նելսոնի Սիմոնյանին համասեփականության իրավունքով պատկանող  0.16494 հա մակերեսով հողամասի (ծածկագիրը՝ 10-008-0014-0005, նպատակային նշանակությունը բնակավայրերի, գործառնական նշանակությունը՝ բնակելի կառուցապատման) վրա կառուցված 24 քմ մակերեսով ինքնակամ շինությունը համարել օրինական՝ որպես առևտրի սրահ:

1) Առաջարկել կառույցն իրականացրած Նելսոն Սիմոնյանին վճարելու 1 ք.մ. 1380 ՀՀ դրամ՝ ընդամենը՝ 33120 ՀՀ դրամ, հաշվի առնելով ՀՀ կառավարության 17.04.2003 թվականի թիվ 470-Ն որոշմամբ հաստատված գործակիցները:

2) Ինքնակամ կառույցների պահպանումը չի խախտում այլ անձանց իրավունքները և օրենքով պահպանվող շահերը կամ վտանգ չի սպառնում քաղաքացիների կյանքին ու առողջությանը, կառուցված չեն ինժեներատրանսպորտային օբյեկտների օտարման կամ անվտանգության գոտիներում կամ կառուցված չեն քաղաքաշինական նորմերի ու կանոնների էական խախտումներով և չեն առաջացնում հարկադիր սերվիտուտ պահանջելու իրավունք,

3) Սույն որոշման ընդունման օրվանից օրինականացման համար սահմանված վճարների` 60-օրյա ժամկետում չվճարման դեպքում որոշումը համարվում է ուժը կորցրած:

2. Կառույցին տալ հետևյալ հասցեն՝ Արենի համայնք, գ. Արենի, 24 փողոց, թիվ 8/1